/de/aktuell.php

Die XinX-Story – Wie Kreativität zu XinX wurde

Für Nichtberner steht hier eine Schriftdeutsche Version zum Download bereit.

Äs isch emau äs chliises Zebra gsii. Das isch chli unzfride zmitz i sire schwarz-wiisse Herde gstange. Äs het si Chopf nach hinge dräit u nachdänklech sis Fäu studiert: schwarz-wiiss-schwarz-wiiss. «Mini Streife si so längwilig. Werum chan-i nid angersch usgsee?»

 

Äs paar Tag später entdeckt ds Zebra wit wäg öppis Mächtigs, Farbigs. Äs isch pink. Ds Zebra rennt druf zue u trifft ä riisige pinkige Elefant a. «So wett-i ou usgseh!», seits zum Elefant.

 

Dr Elefant seit zum Zebra: «I verzeue dir ä churzi Gschicht, damit du versteisch, warum i pink bi u du schwarz-wiis gstreift bisch. Vor langer Zit hei d Mönsche zäme imne Dorf gläbt. Ufe-n-erscht Blick hei aui gliich usgseh. Si hei sech ähnlich kleidet und uf die gliichi Art und Wiis gläbt.»

 

Ds Zebra luegt dr Elefant truurig ah und seit: «Gsehsch, genau e so geits mir ou, ig bi glich wie di angere.» Dr Elefant faut em Zebra i ds Wort: «Das isch nume ufe erscht Blick so. Los zue: d Asichte, d Gedanke und d Idee vo de Mönsche si aui ungerschiedlich gsii. Lueg doch mou di schöne Skulpture a, wo si gmacht hei, aui si angersch. Jede Mönsch het sini eigene Idee verwürklecht. Du gsehsch auso, jede Mönsch isch einzigartig gsii.»

 

Ds Zebra seit: «Liebe Elefant, wen-i di richtig verstah, cha o ig pink wärde.» «Nei, so isches nid. Pink bi nume ig. Aber du chasch XinX wärde win-i. Du muesch di besser lehre kenne, dini Einzigartigkeit, diner Schwechine und diner Sterchine. Dini Idee u dini Wünsch chasch so besser verwürkleche u angerne mitteile.»

Plötzlech machts bim Zebra klick. «I ha schwarz-wiissi Streife wie di angere Zebras ou, aber jedes Zebra het äs angers Muschter u drum isch jedes individuell und einzigartig! Äs hed kes Zebra mis Muschter, mini Gedanke und mini Idee. Und drum bi-n-ig XinX!»

 

 

SchmetterFant

@pin und @RinG